Croeso i'r Newyddion Diweddaraf - cyfle i gael gweld beth sydd wedi bod yn digwydd a beth sydd ar y gorwel.
15.09.08 Mae Sglein yn symud!
Mae Sglein yn symud i swyddfeydd newydd sbon yn Llynnoedd Delta, Llanelli ddydd Iau 18 Medi. Bydd y swyddfeydd newydd yn bencadlys cyfleus wrth i'r cwmni ddatblygu ac edrych ymlaen at y cyfnod nesaf yn ei dwf.
29.05.08 Ffiz a Biz yn concro Castell Caerdydd
Bydd Ffiz a Biz yn cyrraedd Canolfan Ddehongli newydd Castell Caerdydd ar Fehefin 19eg. Bydd y noson yn cael ei noddi gan Ganolfan Cymraeg i Oedolion Prifysgol Caerdydd, Quadrant Communications a Bwrdd yr Iaith Gymraeg. Am fwy o wybodaeth, cysylltwch a Sarah ar sarah@sglein.co.uk neu (01792) 886303.
29.05.08 Ffiz a Biz yng Ngwesty Parc y Strade
Mae Fizz & Biz yn dychwelyd i Sir Gaerfyrddin ar Fehefin 5ed ac mae'n debyg o fod yn ddigwyddiad poblogaidd dros ben. Bydd y noson yn cael ei chynnal yng Ngwesty Parc y Strade a'r noddwyr fydd Siambr Fasnach Sir Gar. Os hoffech chi ddod i'r noson, cysylltwch a Sarah ar sarah@sglein.co.uk neu (01792) 886303.
03.04.08 Sglein yn dathlu 3ydd pen-blwydd
Roedd Mawrth 2008 yn garreg filltir arall i Sglein - 3ydd pen-blwydd y cwmni. Hoffem ni ddiolch i bawb ry'n ni wedi gweithio â nhw ers sefydlu Sglein ac i bawb ddaeth i'n helpu ni i ddathlu'r 3ydd Pen-blwydd yng Ngwesty'r Park Plaza. Ymlaen i'r 3 blynedd nesaf!
06.03.08 Sglein/Côr Meibion Llanelli yn cyd-ganu! Mae Sglein yn hynod falch o fod yn cydweithio gyda Chôr Meibion Llanelli - côr byd-enwog sydd wedi canu ar lwyfannau ar draws y byd. Rydym ni nawr yn rheoli marchnata'r Côr ac rydym ni'n trefnu noson o adloniant, gwin a canapes yn eu cwmni yng Ngwesty'r Diplomat, Llanelli, nos Wener, 16eg Mai. Mae tocynnau ar gael am £10 trwy Sglein ar (07719) 310 686. Gwefan y Côr - www.llanellimalechoir.co.uk
06.03.08 Sglein yn lansio menter Olympaidd
Mae Sglein yn falch o gael trefnu lansiad menter Super Schools Walesnos Wener,25ain Ebrill yng ngwesty'r Royal, Caerdydd - www.theroyalhotelcardiff.com Mae'r fenter, sy'n cyfuno hwyl, ffitrwydd ac unigolion adnabyddus o fyd y campau, wedi bod yn rhedeg yn llwyddiannus ar draws Lloegr ers nifer o flynyddoedd ac mae nawr yn dod i Gymru dan arweiniad y medalydd Olympaidd Jamie Baulch a Matthew Hughes. Bydd Côr Meibion Llanelli yn rhan o adloniant y noson a bydd hefyd arwerthiant o eitemau chwaraeon casgladwy. Mae tocynnau yn £42.50 yr un ac mae byrddau ar gael ar gyfer grwpiau o ddeg. Mae pris y tocyn yn cynnwys derbyniad diod, pryd 3 chwrs ac adloniant ac maen nhw ar gael trwy Sglein ar (07719) 310 686. www.superschoolswales.com
08.11.07 10fed Ffiz a Biz i'w gynnal fis Rhagfyr
Mae Ffiz a Biz yn cyrraedd carreg filltir ar 6 Rhagfyr, wrth i'r 10fed digwyddiad rhwydweithio gael ei gynnal yn Brazz, Canolfan Mileniwm Cymru, Caerdydd am 6pm. Bydd y noson yn cael ei noddi gan Fwrdd yr Iaith Gymraeg a Trosol, cwmni cyfieithu ac isdeitlo mwyaf blaenllaw Cymru.
26.09.07 Sglein yn lansio siop Borders newydd
Nos Iau, 27ain Medi, mae Sglein yn lansio siop newydd Borders yng Nghaerdydd. Hon fydd trydedd siop y cwmni yng Ngymru ac fe'i lleolir yn hen adeilad David Morgan yn yr Aes. Sglein sy'n gyfrifol am y noswaith gyn-agoriadol, fydd yn rhoi cyfle i westeion gael golwg ar y siop a chael eu diddanu.
25.06.07 Ail Ffiz a Biz yn Sir Gâr
Nos Iau, 28 Mehefin, cynhelir Ffiz a Biz yng Ngwesty'r Diplomat, Llanelli. Caiff y noson ei noddi gan Fwrdd yr Iaith Gymraeg a Siambr Fasnach Sir Gâr. Am fanylion pellach, cysylltwch â Sarah ar sarah@sglein.co.uk
22.03.07 Ffiz a Biz yng Nghaerdydd
Bydd y Ffiz a Biz nesaf yn cael ei gynnal yng ngwesty'r Royal Hotel, Caerdydd ar 19 Ebrill am 6pm. Noddwyr y noson fydd Bwrdd yr Iaith Gymraeg a Greenfield Media.
16.01.07 Ffiz a Biz 1af Sir Gâr
Cynhaliwyd Ffiz & Biz 1af Sir Gâr ar 30 Tachwedd yng Ngwesty'r Cawdor, Llandeilo. Roedd y noson yn llwyddiant ysgubol, gyda dros 100 o bobl wedi dod i rwydweithio ac i drafod dwyieithrwydd mewn busnes.
Mae Ffiz & Biz arall ar y gweill ar gyfer y Gwanwyn - cadwch lygad ar y wefan am fanylion!
31.08.06 UNO'r Gymraeg a'r sector preifat Mae Sglein yn ffurfio partneriaeth newydd gyda Trosol, cwmni cyfieithu ac isdeitlo mwyaf blaenllaw Cymru, er mwyn cynnig siop-un-stop i gwmnïau a sefydliadau yn y sector preifat sydd am gynyddu eu defnydd o'r Gymraeg. Bydd UNO yn cynnig gwasanaethau sy'n cynnwys cyfieithu a phrawf-ddarllen; cyrsiau croeso a chyfarch; sesiynau Cymraeg mewn Busnes a Gofal Cwsmer dwyiethog, a chefnogaeth a chyngor ar wefannau, hysbysebion a deunydd marchnata dwyieithog. Bydd lansiad swyddogol UNO ym Mae Caerdydd ar 27 Medi a bydd Alun Pugh, Y Gweinidog dros Ddiwylliant, y Gymraeg a Chwaraeon ymhlith y siaradwyr. Am wybodaeth bellach ar UNO a'r hyn allwn ni ei gynnig i'ch busnes chi, cysylltwch â Sarah ar sarah@sglein.co.uk neu (01792) 886 303.
21.08.06 Spwcs - digwyddiad newydd ym mis Hydref!
Mae Sglein yn trefnu noson ychydig yn wahanol yng Ngwesty Plas Hyfryd, Arberth ar 6 Hydref. Bydd Spwcs - noson Whodunnit? ddwyieithog gyda phryd tri chwrs & adloniant yn achlysur tei du ac yn gyfle i chwarae'r ditectif a mwynhau. Pris tocyn yw £20 ac mae hyn yn cynnwys pryd tri chwrs ac adloniant. Cysylltwch â Sarah neu Huw am fanylion pellach ar (01792) 886 303 neu sarah@sglein.co.uk
17.08.06 Ffiz a Biz ym mis Medi Bydd y Ffiz a Biz nesaf yn cael ei gynnal yn Brazz yng Nghanolfan Mileniwm Cymru ar 7 Medi am 6pm. Noddwyr y noson fydd Bwrdd yr Iaith Gymraeg, Banc Barclays a Greenfield Media.
Mae Ffiz & Biz bellach wedi'i sefydlu'n ddigwyddiad poblogaidd a llwyddiannus iawn lle gall busnesau o bob math gwrdd â'i gilydd, rhwydweithio a thrafod manteision gweithredu'n ddwyieithog mewn awyrgylch anffurfiol, braf.
27.04.06 Ffiz a Biz yn Abertawe
Cynhaliodd Sglein y pedwerydd digwyddiad Ffiz a Biz ym mis Ebrill. Hwn oedd y Ffiz a Biz cyntaf i’w gynnal y tu allan i Gaerdydd, a chafodd y noson ei noddi gan Fwrdd yr Iaith Gymraeg a'i chynnal yng ngwesty Morgans Abertawe ar nos Iau, 27 Ebrill.
Mae Ffiz a Biz yn ddigwyddiad unigryw, anffurfiol, sy’n cael ei drefnu a’i gynnal gan Sglein gyda’r bwriad o ddod â chwmnïau a sefydliadau ar draws Cymru at ei gilydd er mwyn rhwydweithio a thrafod dwyieithrwydd mewn busnes. Roedd yr ymateb i’r digwyddiad yn Abertawe yn bositif iawn, sy’n dangos bod galw am ddigwyddiad o’r math yma ar hyd a lled Cymru – ac mae Sglein yn gweithio ar hyn o bryd ar gyfres o ddigwyddiadau Ffiz a Biz i ateb y galw hwn.
Ebostiwch sarah@sglein.co.uk os hoffech chi wybodaeth bellach am Ffiz a Biz.
27.04.06 Sglein yn dathlu penblwydd cyntaf!
Mae Sglein, cwmni hyfforddi sgiliau busnes a threfnu digwyddiadau, wedi dathlu eu penblwydd cyntaf yn ddiweddar.
Mae’r penblwydd yn dod ar ddiwedd deuddeg mis llwyddiannus iawn i’r cwmni, sydd wedi ehangu eu gwasanaethau a’u rhestr cleientiaid o dan stiwardiaeth ac arweiniad Sarah Mair Richards a Huw Thomas, perchnogion a chyfarwyddwyr Sglein.
